Mësoni detaje acaruese tek çdo shenjë e horoskopit

  • 11 February 2017 - 10:15
Mësoni detaje acaruese tek çdo shenjë e horoskopit

Në artikullin e horoskopit kemi ndër mend t’ju tregojmë gjëra që në fakt ju i dini, i keni kuptuar me kohën, por nuk mendoni që në fakt ato që keni vënë re nuk i ka vetëm personi pranë jush, por edhe shumë të tjerë që kanë të njëjtën shenjë horoskopi. Bëhet fjalë për detaje shumë acaruese në karakter, gjëra që të bëjnë që sado t’i duash, në ato pak minuta më mirë “t’i vrisnit”. Nëse ka nga këto gjëra acaruese që ju kategorikisht nuk i duroni dot, jeni në kohë për të mos u njohur me këtë shenjë horoskopi! 

DASHI

Image

Dashi është një shenjë që mund të bëhet ekstremisht dominuese. Ata e konsiderojnë veten qendrën e universit dhe e gjitha bota rrotullohet rreth atyre. Ata duan të flasin dhe duan të dëgjohen. Por kjo i bën që të jenë shumë egoistë, deri në një pikë që bëhet vërtet acaruese.

DEMI

Image

Demi nuk e çan aspak kokën për asgjë! Edhe pse me raste mund të jetë një vlerë e shtuar për ta dhe për qetësinë e tyre personale, shumicën e rasteve kthehet në acaruese për të tjerët, të cilët janë të përpiktë, shqetësohen dhe duan t’i kenë gjërat në vijë që më përpara. Demat janë moskokëçarës dhe asgjë dhe asnjë në këtë botë nuk ua ndryshon dot mendjen dhe këtë stil jetese.

BINJAKËT

Image

E keni parasysh personin që bën plane dhe i anulon në moment të fundit? Epo, shikoni ditëlindjen sepse me shumë mundësi është një Binjak. Binjakët nuk e ndajnë dot mendjen plotësisht për diçka dhe janë gjithnjë të lëkundur. Gjithashtu vëmendja e tyre nuk qëndron në një vend për shumë kohë, kjo i bën acarues në një lidhje.

GAFORRJA

Image

Gaforret janë shenja më “me hënë”’ e zodiakut. Ata e ndryshojnë gjendjen e tyre në një fraksion sekonde, aq sa të tjerët që janë pranë nuk dinë si të sillen. Ata gjithashtu janë tejet emocionalë dhe nëse ju i prekni në “thembër” me shumë mundësi ata do të kthehen në përbindësha, madje menjëherë.

LUANI

Image

Shumë krenarë dhe të vendosur mund të arrini ta dalloni një Luan shumë thjesht në një dhomë plot me njerëz. Luani është ai që është duke bërtitur më shumë, duke marrë gjithë vëmendjen dhe duke ndezur atmosferën. Edhe pse janë liderë të lindur, shumë herë ata nuk njohin sensin e masës. Nuk lodhen kurrë së foluri dhe së qeni të tillë, aq sa bëhen shumë herë të bezdisshëm.

VIRGJËRESHA

Image

Ju keni një pikë mikroskopike njolle në bluzën tuaj dhe gjejeni pak kush do ta identifikojë duke qenë 10 metra larg jush? Një Virgjëreshë. Kjo shenjë është mjaft kritikuese jo vetëm te të tjerët por edhe te vetja. Kjo i bën vërtet acarues te të tjerët që as nuk duan dhe as nuk synojnë të jenë perfektë.

PESHORJA

Image

Peshoret vdesin që të dashurojnë. Ato janë gjithnjë në kërkim të dikujt që t’i dojë dhe t’i mbështesë. Duan të kenë shoqëri me sa më shumë njerëz dhe përpiqen t’i ndihmojnë të gjithë. E keqja është se shumë herë kjo natyrë e tyre konceptohet sikur ata janë të dëshpëruar, ndaj dhe bëhen kaq të mirë.

AKREPI

Image

Akrepat janë njerëz shumë kalkulatorë. Ata mund të duken shumë naivë në sipërfaqe, por në fakt janë shumë të fortë, aspak të ndjeshëm dhe nuk ua hedh dot. Kjo i bën që të jenë edhe manipuluesit më të mëdhenj të zodiakut.

SHIGJETARI

Image

Të lindurit e dhjetorit kanë buzëqeshjen më të madhe në fytyrat e tyre. Duhet shumë pak për t’i bërë ata të qeshin e të jenë të lumtur, por aq të mirë sa mund të jenë, Shigjetarët dinë të të thyejnë zemrën në mënyrën më të keqe nëse duan.

BRICJAPI

Image

Bricjapët janë shumë të turpshëm. Kjo i bën ata që shumë herë të keqkuptohen te të tjerët si dhe me natyrën e tyre shumë diskrete i bën njerëzit të largohen padashur. Kështu Bricjapit i krijohet ideja se s’janë mjaftueshëm të mirë, por kjo nuk është aspak e vërtetë.

UJORI

Image

Ujorët janë shumë ëndërrimtarë. Ata mund të jenë në një grup me njerëz fizikisht, por me mendje janë diku shumë larg. Kjo mund të kthehet në shumë acaruese, sidomos kur je duke i folur për diçka të rëndësishme dhe ata as që nuk e kanë mendjen fare.

PESHQIT

Image

Peshqit krijojnë një botë të tyre, kjo është një veçori që e zotërojnë më së miri. Bëni mirë të mos i ktheni me këmbë në tokë sepse nxehen shumë keq.

(Kosova Sot)