Si të depiloheni me miell, për lëkurë më të shëndetshme?

  • 21 May 2017 - 08:08
Si të depiloheni me miell, për lëkurë më të shëndetshme?

Ja se si mundeni në mënyrën më efikase të hiqni qimet e vogla nga fytyra me ndihmën e miellit të thjeshtë, të bardhë ose miell misri

HEQJA E QIMEVE NGA FYTYRA

Mënyra e parë Përzieni një filxhan miell (mundësisht miell leblebije), gjysmë luge çaji shafran të Indisë, dhe disa pika qumështi (e mjaftueshme sa të forcohet masa apo përzierja). Aplikoni atë rreth qimeve në fytyrë, gjegjë- sisht në drejtim të rritjes së tyre dhe lëreni që të thahet për rreth 20 deri 25 minuta. Pas kësaj, vendosni një pecetë të lagur në drejtim të kundërt të rritjes së qimeve, duke e tërhequr atë. Pjesën tjetër që ngelet në fytyrë hiqeni me ujë të ngrohtë. Në fund, aplikoni krem hidratues. Gjatë këtij lloj depilimi, ju mund të ndieni irritim të lehtë që nuk zgjat shumë kohë. Përndryshe, ky lloj depilimi zbut dhe ndikon në shkëlqimin e lëkurës. Nëse e praktikoni rregullisht, ju do të reduktoni ndjeshëm qimet në fytyrë. Mënyra e dytë Qimet nga fytyra mund të hiqen edhe me anë të përzierjes së lëngut të limonit dhe miellit të leblebisë. Për këtë masë, ju nevojitet 10 ml lëng të freskët limoni, një gotë ujë dhe 30 gr miell. Të gjitha këto përzieni mirë, që masa mos të jetë me gunga, por e lëmuar, dhe pastaj aplikoni në fytyrë. Lëreni të thahet për rreth 15 minuta, pastaj pjesën tjetër të mbetur hiqni me anë të një pecete në drejtimin e rritjes së qimeve, trasmeton gazeta Kosova Sot

DEPILIMI I TRUPI

T Masë apo përzierje më të fortë, me anë të së cilës mund të hiqni qimet në pjesët tjera të trupit, do të përfitoni me anë të përzierjes së të bardhës së vezës, miell misri dhe sheqer. Përzieni një të bardhë të vezës me një lugë sheqer, dhe kësaj shtoni një gjysmë luge miell misri dhe përzieni deri sa të keni një masë apo pastë të trashë. Aplikoni në lëkurë të thatë, në drejtimin e rritjes së qimeve dhe lëreni që të thahet, pastaj tërhiqni maskën e fytyrës në drejtim të kundërt të rritjes së qimeve. Në këtë mënyrë, i largoni qimet nga rrënja dhe kjo paraqet një teknikë të shkëlqyer për t'i eliminuar ato dhe pa dyshim që ka rezultat afatgjatë.

(Kosova Sot)