Provoni këto tri receta kundër rrudhave
Ju sjellim tri receta, që mund t'i ndihmojnë lëkurës së dëmtuar kthimin e lagështisë dhe shkëlqimit, duke pakësuar edhe rrudhat njëkohësisht, trasmeton gazeta Kosova Sot
MASKË ME BANANE
Bananet janë të pasura me vitamina A, B dhe E, zink, hekur, magnez dhe kalium. Me pirun e shtypni një banane, shtoni një lugë mjaltë dhe një lugë vaj ulliri. I përzieni dhe vendosni në fytyrë, e lini 10 minuta, më pas e shpëlani me ujë të vakët.
MASKË ME KURKUMË
Përgatitni një pastë nga një lugë kurkumë dhe pak ujë - përbërësit i përzieni mirë dhe i aplikoni në fytyrë. E lini të veprojë për 15 minuta dhe shpëlani me ujë të ftohtë.
MASKË ME JOGURT DHE DREDHËZA
Përzieni pak jogurt me dredhëzat e imtësuara në një pastë, dhe e aplikoni në fytyrën e pastruar. Maskën e mbani për 10 minuta, më pas e shpëlani me ujë të vakët.
(Kosova Sot)