Doni lëkurë të shëndoshë? Hani këto ushqime

  • 17 July 2018 - 13:27
Doni lëkurë të shëndoshë? Hani këto ushqime

Produktet e bukurisë janë shumë të rëndësishme për shëndetin e lëkurës, mirëpo shkëlqimi i lëkurës vjen nga brenda. Andaj, nëse mëtoni të keni lëkurë të shëndoshë dhe me shumë shkëlqim, është shumë e rëndësishme të filloni menjëherë përdorimin e këtyre ushqimeve

Frutat e malit

Boronicat, mjedrat, dredhëzat dhe kumbullat janë ushqime që përmbajnë sasinë më të madhe të antioksiduesve. Antioksiduesit janë shumë të rëndësishëm në luftimin e radikalëve të lirë dhe ruajnë qelizat e lëkurës nga dëmtimi, duke mbrojtur kështu lëkurën nga plakja e parakohshme.

Lajthitë dhe arrat

Lajthitë dhe arrat janë shumë të pasura me fibra, proteina dhe yndyra të pangopura, andaj edhe janë shumë të rëndësishme për mirëqenien e lëkurës suaj. Përveç këtyre, arrat dhe lajthitë janë të pasura edhe me vitamina dhe minerale që shtojnë shkëlqimin e lëkurës suaj.

Domatet

Licopeni dhe antioksiduesit, të cilët i japin domates ngjyrën e kuqe, kanë shumë veti shëruese. Domatet janë shumë të rëndësishme për luftimin e radikalëve të lirë, si dhe mbrojnë lëkurën nga rrezet e dëmshme të diellit.

[Image]

Avokadoja

Nëse keni përdorur ndonjëherë avokado në maskën tuaj të fytyrës, atëherë me siguri jeni në dijeni të vetive të saj shëruese. Avokadoja përmban sasi të madhe të yndyrave të shëndetshme, si dhe vitamina e minerale që ndihmojnë në mirëqenien e lëkurës.

Brokoli

Konsumimi i perimeve të gjelbra, sidomos i bronkolit, kurrë nuk është i tepërt. Brokoli është i pasur me antioksidues, si vitamina C, të cilët stimulojnë prodhimin e kolagjenit.

Peshku salmon

Peshku salmon është burimi më i mirë i acideve yndyrore Omega-3, acide këto që janë shumë të rëndësishme për hidratimin dhe elasticitetin e lëkurës.

Çokollata e errët

Fakti që ushqimet e pasura me antioksidues janë të dobishme për shëndetin e lëkurës tashmë është i qartë. Në mesin e këtyre ushqimeve futet edhe çokollata e errët, e cila përmban sasi të ulët të sheqerit dhe është e pasur me antioksidues.

[Image]

Bimët bishtajore

Përveçqë janë të lira dhe të shijshme, fasulja dhe bimët e tjera bishtajore janë shumë të pasura me zink, vitaminë B6, hekur, biotinë dhe shumë përbërës të tjerë që luajnë rol të madh në shkëlqimin e lëkurës.

[Image]

Vaji i ullirit

Greket dhe Romaket kanë përdorur vajin e ullirit në rutinën e tyre të bukurisë, dhe këto gra antike kanë qenë shumë të sakta! Yndyrat e pangopura dhe vitaminat e pasura me antioksidues, të cilat gjenden në vajin e ullirit, ndihmojnë në rigjenerimin e qelizave të lëkurës dhe mbrojnë lëkurën nga radikalët e lirë.

Uji

Uji është ilaç për çdo gjë! Konsumimi i shumtë i ujit është mënyra më e lehtë për të arritur një lëkurë që shkëlqen. Andaj, konsumoni të paktën dy litra ujë në ditë nëse dëshironi që kjo të reflektojë pozitivisht në lëkurën tuaj.

 

(Kosova Sot)