Vajza e Stan Lee zbulon super-heroin e fundit që ai krijoi para se të vdiste

Vajza e Stan Lee ka zbuluar se ka punuar me babanë e saj në krijimin e një karakteri të ri para se të vdiste. Ikona e "Marvel Comics" ka vdekur këtë javë në moshën 95-vjeçare në Qendrën Mjekësore 'Cedars-Sinai', në Los Anxhelos. Ndërsa ngushëllimet po vazhdojnë, vajza e tij, J.C. Lee, thotë se legjenda e librave komikë ka bërë edhe një kreacion të ri për botën. "Ne kemi qenë duke punuar në një karakter të ri të quajtur Dirt Man", zbuloi ajo në një intervistë për TMZ-në. "Engjëlli i vogël i fundit të cilin e kemi krijuar quhet Dirt Man. Unë thash: 'Babi, të lutem, jo llafazanë, jo çelik ose ndonjëra nga këto. Le të ulemi dhe të bëhemi të pistë. Le të bëjmë atë se çfarë po ndodh me dashurinë. Le të bëjmë Dirt Manin", ka thënë ajo. "Është shumë interesante. Ende kemi një djallëzi të vogël", shtoi ajo. Kur është pyetur nëse karakteri i ri mund të bëhet një film i ardhshëm i Marvelit, ajo është përgjigjur: "Shpresoj që po".

(Kosova Sot)