Meha: Gazeta "Kosova Sot" për shumë vite është duke u dalë përballë në vazhdimësi këtyre strukturave kaq të fuqishme

 Xhevat Meha ekspert i financave ka thënë për gazetën Kosova Sot  se ka shumë vite që Kosova është duke përjetuar zhvillime negative siç janë niveli shumë i lartë i krimit të organizuar dhe korrupsionit.

Gazeta "Kosova Sot" për shumë vite rresht sa unë kam qenë aktiv në përcjelljen e qëndrimeve mediatike ka qenë dhe vazhdon të mbetet gazeta numër një në përkushtimin e luftimit të këtyre të këqijave të Kosovës. Krimi i organizuar dhe korrupsioni janë shumë të fuqishme në Kosovë për shumë vite rresht, kjo e vërtetuar me raportet e institucioneve të jashtme që konsiderohen si të pavarura nga zhvillimet në Kosovë. Kur krimi i organizuar dhe korrupsioni janë të fuqishme për shumë shumë vite rresht nënkupton se strukturat kriminale janë shumë organizuara mirë, janë shumë të konsoliduara.

Dalja përballë strukturave kaq të fuqishme që e kanë shumë të konsoliduar funksionimin e tyre është në të vërtetë dhënia gjithçkaje nga vetja për të mirën e Kosovës. Gazeta "Kosova Sot" për shumë vite është duke u dalë përballë në vazhdimësi këtyre strukturave kaq të fuqishme. Përgëzime dhe i lumtë gazetës "Kosova Sot"

(Kosova Sot)