Tiranë, makina përfshihet nga flakët

Një automjet është përfshirë nga flakët mbrëmjen e të mërkurës në rrugën “Bardhyl” në Tiranë.

Nga të dhënat e para dyshohet se shkak i zjarrit në makinën tip “Fiat” me targa AA894IY ka qenë një defekt teknik.

Forcat e policisë dhe ato të zjarrfikëseve kanë mbërritur në vendin e ngjarjes dhe kanë bërë të mundur vënien nën kontroll të zjarrit.

Në mjet ndodheshin një grua me një fëmijë, të cilët fatmirësisht kanë dalë nga makina pa pasur probleme.