Peripecitë e një vajze 8 vjeçe, të sëmurë nga Alzheimeri i fëmijërisë

Një vajzë që vuan nga një çrregullim i rrallë gjenetik, këtë javë festoi ditëlindjen e saj të tetë, por mjekët thonë se ajo nuk ka edhe shumë vite për të jetuar. Eliza O'Neill vuan nga Sindroma Sanfilippo, një gjendje e cila njihet edhe me emrin Alzheimeri i fëmijërisë, ku mbetjet helmuese të qelizave grumbullohen në tru, duke shkaktuar demencë, humbje të të folurit, verbëri dhe, në fund, vdekje. Ajo ishte pacienti i parë në një terapi të re gjenetike, për të cilën prindërit e saj mendonin të ishte shpresa e tyre e vetme.

Kampanja e grumbullimit të fondeve

 Edhe pse e ka humbur aftësinë për të folur, Eliza vazhdon që të mësojë aftësi të reja dhe ditëlindja e saj ka shënuar fillimin e një kampanje për mbledhjen e 100,000 dollarëve për vetëm 10 ditë, me qëllim të financimit të kërkimeve të mëtejme shkencore. I ati i Eliza's, Glenn O'Neill, thotë se vajza e tij e ka vëmendjen, vetëdijen, përqendrimin e tillë, që nuk e kishin parë kaherë te ajo. Ai thotë se e bija e tij vrapon, luan dhe përsëri është në gjendje që ta përdorë pirunin, gjëra të cilat familja e saj më parë nuk kishte men.

Terapia e re gjenetike

 Hapat e vegjël të përparimit, të cilët është duke i bërë tani Eliza, mund të jenë rezultat i terapisë së re gjenetike, të cilës ajo i ishte nënshtruar vitin e kaluar. Prindërit e vajzës kanë formuar një fondacion për mbledhjen e mjeteve me qëllim të studimeve të mëtejme rreth trajtimit të kësaj sëmundjeje, derisa e ardhmja e vajzës së tyre mbetet e paqartë.

(Kosova Sot)