Dosja Tahiri e Habilaj, Prokuroria kërkon arrestimin e 3 ish zyrtarëve të lartë
Disa javë pas kërkesës për arrestimin e Saimir Tahirit, tashmë Prokuroria ka bërë lëvizjen e rradhës për ndalimin dhe prangosjen e 3 ish zyrtarëve të lartë të Policisë së Shtetit, të dyshuar si të përfshirë në trafikun e drogës në bashkëpunim me grupin e Habilajve.
Deri më tani mësohet se i pari për të cilin do të kërkohet ndalimi është ish drejtori i Policisë së Vlorës Jaeld Çela.
Prokuroria dyshon se Çela dhe dy ish zyrtarë të tjerë të lartë kanë lidhje me grupin kriminal të Habilajve. Prokuroria e Krimeve të Rënda i ka dërguar urdhërat në Policinë e Shtetit, e cila pritet të ekzekutojë vendimet.
Jaeld Çela e drejtoi policinë e Vlorës nga shtatori i 2014, deri në prill të vitit 2017, ku me ardhjen e Ministyrit Xhafaj në krye të Ministrisë së Brendshme ai u zëvendësua.
Mbetet për t’u parë lëvizja tashmë e policisë e cila do duhet të arrestojë zyrtarët.
(Kosova Sot)