Personi që plagosi gjinekologun është Faton Fetiu, ai gjatë aktit përdori dhe granatë

  • 13 February 2018 - 15:11
Personi që plagosi gjinekologun është Faton Fetiu, ai gjatë aktit përdori dhe granatë

Gjinekologu Premtim Gojani është plagosur me tre plumba nga dhëndri i tij, Faton Fetiu nga Gjakova. Ngjarja ka ndodhur mëngjesin e së martës, pranë shtëpisë së mjekut kosovar, në lagjen Marigona të komunës së Graçanicës.

64 vjeçari që plagosi gjinekologun u vetëdorëzua me të qëlluar atë para shtëpisë.

I dyshuari Faton Fetiu është me prejardhje nga Gjakova, ndërsa ka nënshtetësi amerikane.

Policia e Kosovës në vendin e ngjarjes ka gjetur edhe një granatë dore të pashpërthyer, të cilën e kishte më vete i dyshuari. 

Granata është larguar nga njësiti i specializuar për deminim i policisë.

Po ashtu, PK ka njoftuar se në vendin e ngjarjes ka gjetur dhe konfiskuar edhe armën e zjarrit me të cilin dyshohet të jetë përdorur gjatë plagosjes, një elektroshok, pesë gëzhoja dhe 2 fishekë. 

Gjinekologu Premtim Gojani raportohet se po lufton me jetë nga plagët e marra, derisa ndodhet në sallen e operacionit në Spitalin Amerikan.

(Kosova Sot)