Rudhani:Hulumtimet japin të dhëna alarmante

  • 20 February 2018 - 21:42
Rudhani:Hulumtimet japin të dhëna alarmante

Analisti Florim Rudhani tha për "Kosova Sot', se ka shumë mashtrime nga kompanitë e ndryshme. "Nga bisedat me qytetarë të shumë komunave, në një hulumtim mbi cilësinë e produkteve dhe sa janë çmimet reale, kam mësuar se një gjë që ka dalë në shesh në këtë temë është fakti se kompania 'Elkos'-i, që është pronë e ish-zëvendëskryeministrit Ramiz Kelmendi, si dhe kompanitë e tjera ' Viva Fresh Store',pronë e Xhevdet Rexhepit, por edhe kompania tjetër "Super- Viva", po prijnë në mashtrimin e qytetarëve tanë. Kjo ngase çmimet e prezantuara afër produkteve që janë të vendosura në hipermarketet e mëdha kosovare po dalin të jenë jo të vërteta", potencoi ai. "Janë këto tri kompani, ku përveç mashtrimit me çmime, këto hipermarkete nga qytetarët tanë po akuzohen se produkteve po ua ndryshojnë datën e skadencës së produktit", vijoi më tej Rudhani. "Qytetarët me të drejtë edhe po i akuzojnë këto hipermarkete se po mashtrojnë me çmimet e artikujve edhe me datën e skadencës së produktit .Veç saj, qytetarët po ankohen se përse po heshtin institucionet dhe inspektorët e MTIsë", potencoi ai.

(Kosova Sot)