Autostrada drejt Dheut të Bardhë i gëzon shqiptarët e Luginës - Lajme - Kosova Sot
Autostrada drejt Dheut të Bardhë i gëzon shqiptarët e Luginës

Autostrada drejt Dheut të Bardhë i gëzon shqiptarët e Luginës

Autoudha, Prishtinë-Gjilan-Konçul e promovuar një ditë më parë, është pritur me shumë entuziazëm nga shqiptarët e Luginës së Preshevës.

Sipas tyre, kjo rrugë e ka rëndësinë e madhe për ta, aq sa ka Rruga e Kombit për Kosovën.

Shqipe Rexhepi ka disa vjet që është martuar në Bujanoc. Lajmin për nisjen e autoudhës Prishtinë – Konçul e ka pritur me mjaft gëzim.

Autoudha Prishtinë-Konçul, sipas të parit të Komunës në Bujanoc, Shaip Kamberi, ka rëndësi të jashtëzakonshme. Kamberi vlerëson se kjo rrugë për shqiptarët e Luginës është njëjtë, sikurse Rruga e Kombit për shqiptarët e Kosovës dhe Shqipërisë.

Ai ndjen keqardhje për mospraninë e tij në inaugurimin e projektit, por fajtor për këtë ishin procedurat burokratike të postës së Serbisë, të cilat tek sot ia kishin sjellë ftesën e Qeverisë së Kosovës.

Ilir Sadriu, nënkryetar i PDSH-së, vlerëson së rruga Prishtinë – Konçul do t’i forcojë lidhjet shpirtërore mes Luginës dhe Kosovës.

(Kosova Sot)

20 orë e 29 minuta më parë
25/09/18