Kryepolicit të Suharekës i vidhet llogaria në Facebook
Komandanti i stacionit policor në Suharekë, Milazim Lumi, ka qenë cak i hakerëve, që i kanë vjedhë llogarinë personale në Facebook.
Lumi ka thënë se profili personal në këtë rrjet social edhe po keqpërdoret dhe se për këtë problem i ka njoftuar kolegët e tij.
Qytetarët ankohen te ai kur janë në telashe. Por tash vetë komandanti i policisë në Suharekë Milazim Lumi u fut në probleme.
Lumi po ankohet se dikush i hakoi faqen e tij personale në Facebook.
Sipas tij, profili në këtë rrjet social edhe po keqpërdoret.
Shefi i policisë tha se për këtë problem i ka njoftuar kolegët e tij.
Zyra për media në policinë e Kosovës thanë se janë duke u marrë me rastin duke shtuar se raste të tilla kanë plot. Pavarësisht se një gjë e tillë i ka ndodhur dhe komandantit të policisë në Suharekë ai nuk mund të veçohet nga rastet e tjera.
(Kosova Sot)