Sytë e dyvjeçares janë të tërë bebëza

Mehlani vuan nga një çrregullim i rrallë gjenetik, i quajtur sindroma AxenfeldGieger, i cili, në të ardhmen, mund ta verbërojë tërësisht vajzën. Njerëzit në rrugë shpesh ndalen duke e shikuar me habi vajzën me sy të mëdhenj

Mehlani Martinez ende nuk ka mbushur dy vjet dhe ka sy të mëdhenj, të denjë për një princeshë të filmave "Disney". Por, bukuria e saj, në të njëjtën kohë është edhe mallkim. Mehlani vuan nga një çrregullim i rrallë gjenetik, i quajtur sindroma Axenfeld-Gieger, i cili, në të ardhmen, mund ta verbërojë tërësisht vajzën. Njerëzit në rrugë shpesh ndalen duke e shikuar me habi vajzën me sy të mëdhenj, por e vetmja gjë që ka rëndësi për nënën e saj, Karina, është që të përkujdeset që Mehlani ta dijë se, ajo që atë e bën unike, e bën edhe të bukur. Kur kishte lindur Mehlani, nëna e saj Karina kishte parë një vajzë të përkryer dhe të bukur. Këta fëmijë janë tepër të ndjeshëm ndaj dritës Anëtarët e tjerë të familjes vërejtën sytë jo të rëndomtë të vajzës, por nuk i thanë asgjë nënës. Varësisht nga intensiteti, sindroma Axenfeld-Gieger rëndom hetohet që në lindje. Mehlani u diagnostikua me këtë sindromë gjatë javës së parë, pas lindjes. Fëmijët e lindur me këtë sindromë shpesh kanë iris (pjesa e syrit që ka ngjyrë) të vogël, apo nuk e kanë thuajse aspak këtë pjesë të syrit. Vrima në qendër të syrit mund të ketë formë të çrregullt. Në disa raste, në të njëjtin sy ekzistojnë disa bebëza. Për shkak të mungesës së irisit, këta fëmijë janë tepër të ndjeshëm ndaj dritës. Për këtë shkak, sa herë që Mehlani dëshiron të dalë jashtë, asaj i duhet që të vendosë syzat e diellit. Mehlani ka një rrezik prej 50% që t'i paraqitet edhe një sëmundje tjetër e syve, e quajtur glaukoma, sëmundje e cila, nga ana e vet, mund ta dëmtojë nervin e syrit, duke shkaktuar verbëri. Po të mos e bënte operacionin asaj do t'i humbte shikimi shumë më parë Deri më tani, Mehlani e vogël sheh mirë. Ndoshta falë një operacioni, të cilit ajo iu nënshtrua kur kishte vetëm 5 muaj jetë. Po të mos e bënte këtë operacion, asaj do t'i humbte shikimi shumë më parë. Derisa të huajt i bëjnë komplimente vajzës së vogël për sytë e bukur, disa prej tyre vërejnë që diçka nuk është në rregull me të. Por, nëna e vajzës nuk thotë asgjë, vetëm falënderon ata për komplimentet që ia bëjnë. Mehlani është vetëm njëra nga rreth 200,000 njerëz në botë që vuajnë nga kjo sëmundje. Karina thotë se, deri më tani, e kanë kontaktuar rreth 40 njerëz në "Twitter", duke i thënë se edhe fëmijët e tyre vuajnë nga kjo sindromë. Kjo i ofron asaj një mbështetje dhe siguri të konsiderueshme. 

(Kosova Sot)