E vuajti shumë humbjen e të bijës, babai i vendos “i-Phone” për gur varri
Vizitorët e varrezave në Ufa të Rusisë janë habitur kur kanë parë se një gur varri ishte në formën e “i-Phone”.
Siç vihet re edhe nga fotot e publikuara nga mediat e huaja, telefoni prej guri bazalti është i realizuar me detaje, ka edhe logon e “Apple” në pjesën e pasme e madje edhe një QR-Code.
Ky gur varri është ndërtuar nga babai i 25-vjeçares, i cili e vuajti shumë humbjen e të bijës. Kjo e fundit ndërroi jetë në vitin 2016 nga shkaqe ende të paqarta.
“Pasi e kanë parë njerëzit kanë vendosur që të bëjnë porosi të tjera si ajo”, ka thënë prodhuesi i gurit të varrit që ka edhe logon e “Apple” në pjesën e pasme.
(Kosova Sot)