Vriten 52 persona në burgun e Meksikës

52 persona kanë mbetur të vdekur pas një përleshje dhe shpërthimi të zjarrit pranë burgut në Monterrey në veri të Meksikës.

Guvernatori i këtij shteti, Jaime Rodriguez është shprehur se 12 persona janë lënduar në burgun Topo Chico pas dhunës që shpërtheu gjatë natës në mes të burgosurve që i përkasin fraksioneve rivale.

Zyrtarët janë shprehur se situata është nën kontroll si dhe asnjë prej të burgosurve nuk ia ka arritur që të arratiset.

Shumë persona janë shqetësuar për të afërmit e tyre të cilët gjenden në këtë burg.

“Dëshiroj të di nëse vajza ime është në rregull. Ajo është në spital. Ka edhe fëmijë brenda aty”, ka thënë një grua.

Zjarri dhe tymi ka kapluar ndërtesën e burgut, raporton televizioni shtetëror meksikan Televisia, transmeton Gazeta Express.

Ky incident ndodhi vetëm disa ditë para vizitës së Papa Fraçeskos i cili do të vizitoj burgun në qytetin verior Cuidada Juarez, një zonë që njihet për dhunën famëkeqe në mes të karteleve të drogës. 

(Kosova Sot)