Pesë vjet nga vrasja e Osama bin Laden, Al – Qaeda pa lider dhe e ndarë ende paraqet një rrezik

  • 02 May 2016 - 10:13
Pesë vjet nga vrasja e Osama bin Laden, Al – Qaeda pa lider dhe e ndarë ende paraqet një rrezik

Në këtë ditë , pesë vjet më parë është vrarë Osama bin Laden, lideri i rrjetit terrorist Al-Qaeda, ndonëse ky rrjet është dobësuar, ende ekziston dhe është një kërcënim. Al -Qaeda tashmë është zëvendësuar me një forcë të re , e ashtuquajtur Shteti Islamik, por Al-Qaeda, sipas ekspertëve, ende është një forcë dhe një kërcënim i rrezikshëm. Sulmi i vitit të kaluar në zyrat e revistës Charlie Hebdo në Paris tregojnë se Al-Qaeda ende është në gjendje për të kryer sulme te tilla sipas AFP në një analizë kushtuar përvjetorit të pestë të vrasjes së Bin Laden.

Në Siri dhe Jemen ekstremistët e Al-Qaedës kanë përfituar nga situata kaotike dhe kanë marr nën kontroll territorin jo aq të vogël, dhe ata madje paraqiten si një alternativë ndaj sundimit brutal të Shtetit Islami. Al – Qaeda u themelua në fund të viteve ’80 të shekullit të kaluar, në kohën kur forcat speciale amerikane kanë vrarë bin Ladenin në Pakistan më 2 maj 2011, organizata terroriste tashmë është dobësuar , shumica e luftëtarëve dhe udhëheqësve të saj ishin vrarë ose arrestuar në “luftën kundër terrorizmit” të SHBA-së, shkruan AFP, përcjellë Klan Kosova.

Në radhët e Al-Qaedës filluan të rriten pakënaqësitë kur Ayman al-Zawahiri e zëvendësoi Bin Ladenin. Në të njëjtën kohë, dega irakiane e Al-Qaedës është ndarë dhe ka formuar Shtetin Islamik . Pas ndarjes pjesët më të mëdha të Irakut dhe Sirisë në vitin 2014 kanë shpallur kalifatin dhe kanë ndryshuar emrin në Shtetin Islamik. Që atëherë, Shteti Islamik  tërhoqi mijëra xhihadistë dhe ka marrë përgjegjësinë për sulmet, në të cilën qindra persona kanë vdekur në Bruksel, Paris, Tunizi, Turqi, Liban, Jemen, Arabinë Saudite, si dhe për aeroplanin rus që u rrëzua në Egjipt.

SHBA vazhdon ta konsiderojë Al Qaedan një kërcënim madhor. SHBA me sulme me dron ka vrarë shumë pjesëtarë të shquar, duke përfshirë edhe njeriun i dytë të Al-Qaedës në zinxhirin komandues, Nasir el Vuhajsi, në qershorin e kaluar. Ish-oficeri i shërbimit sekret Alan Roger në fillim të prillit për revistën” Atlantica” deklaroi se “vdekja e babait të al-Kaedës në asnjë mënyrë nuk do të thotë që eshtë fundi i Al-Qaedas. Ky xhihad do të zgjasë për dekada të tëra “, ka thënë Roger.

(Kosova Sot)