Dy karafila kokëtharë diskriminues, që ka Shkodra, s'i ka Amerika e as Evropa
Shkruan: PROF.DR.MEHDI HYSENI
Barometri kombëtar
Këta karafila kokëtharë të Shkodrës më ofendojnë dhe mohojnë identitetin tim fetar, kombëtar dhe atdhetar shqiptar, duke më krahasuar idiotikisht dhe turpësisht si "filoosman" dhe si "patriot i Erdoganit", vetëm pse i përkas fesë myslimane dhe pse nuk shkruaj siç lehin dhe llomotisin ata me shkarravinat e tyre ofenduese islamofobe armiqësore kundër vëllezërve të tyre të komunitetit mysliman!?
Ja preteksti, pse kësi (dy) karafilash diskriminues, nuk i ka as Amerika e as Evropa, sepse profesorin e kanë "kritikuar", diskriminuar dhe ofenduar mbi bazën fetare dhe kombëtare, duke dashur që ta fusin nën "kontrollin" e tyre, për shkak se ka shkruar këtë koment për bashkimin e Kosovës dhe të Shqipërisë. -Këta dy karafila kokëtharë dhe të verbër që pa asnjë argument (duke dalë krejtësisht jashtë temës së komentuar) më kanë quajtur "filosman"(Paul Tedeschini në paçavuren e tij, të publikuar në : http://www.botasot.info/opinione/730322/reagim-ndaj-shkrimit-teprof-dr-mehdi-hyseni-mbi-bashkimin-ekosoves-me-shqipnine/ ) dhe "patriot i Erdoganit" (Arben Çokaj në paçavuren e tij, të ilustruar me fotografinë time të kontrabandur jashtë ligjit, të publikuar në: http://www.fjala.info/patriotatshqiptare-te-erdoganit/), me qëllim që të ndryshojnë identitetin tim fetar dhe kombëtar shqiptar, këta dy karafila kokëtharë janë kriminelë, segregues, diskriminues, terroristë dhe armiq të mi sikurse të gjithë pushtuesit barbarikë, terroristë dhe gjenocidalë të shqiptarëve dhe të SHQIPËRISË ETNIKE (1878-2017). Ky është identiteti tyre antinjerëzor dhe antishqiptar.
Ndërhyrja e Amerikës në Kosovë
Mirëpo, të mos mashtrohen këta armiq të egër islamofobë shqipfolës, sepse as AMERIKA E AS EVROPA PERËNIDMORE nuk do t'i përkrahin sjelljet, veprimet dhe veprat e tyre kriminale, aparteide, segreguese dhe diskriminuese në mohimin e të drejtave dhe lirive të njeriut të pjesëtarëve të komunitetit mysliman shqiptar në Ballkan. Përkundrazi, do të marrin dënimin e merituar ligjor, ashtu sikurse terroristët dhe ekstremistët e tjerë të komunitetit mysliman shqiptar qoftë në Kosovë, në Shqipëri, në Maqedoni etj. -Amerika dhe Evropa kanë ndërhyrë jo vetëm politikisht, por edhe ushtarakisht në Bosnjë dhe në Kosovë, pikërisht për shkak të shkeljes dhe të mohimit të drejtave dhe të lirive të njeriut, si dhe të drejtës së jetës së atyre që nuk ishin serbë, por kroatë, myslimanë boshnjakë dhe shqiptarë. -Ata islamofobë atesitë dhe reaksionarë, që shqiptarëve myslimanë u thonë "kokë turku", "filoosmanë", "patriotë erdoganë", e çfarë jo tjetër, ata nuk janë vëllezërit e as miqtë tanë, por urrejtësit dhe armiqtë tanë sikurse kolonizuesit dhe robëruesit e tjerë armiq sllavë të Ballkanit, armiq të Kombit Shqiptar dhe të Shqipërisë Etnike, si dhe armiq potencialë të Amerikës dhe të aleatëve të saj evropaino-perëndimorë, si dhe përçarësit, turpëruesit, tradhtarët dhe armiqtë më të rrezikshëm të vetë komunitetit të krishterë qoftë katolik a ortodoks shqiptar në Ballkan. Prandaj, është momenti fundit, që këlyshët e tillë racistë islamofobë, t'i disiplinojë dhe t'i denoncojë botërisht vetë komuniteti i tyre përkatës. Ndryshe, nesër mund të bëhet vonë, kur ky fenomen tragjik të marrë dimensione mbarëkombëtare qoftë brenda apo jashtë SHQIPËRISË ETNIKE.
Krahasimi me "filo-osman- ët"
Pse, duhet disiplinuar këlyshët dhe zagarët e tillë të çartur, sepse ekziston rreziku që këta të etur dhe të uritur për vëllavrasje, për përçarje dhe për grindje, një ditë mund të "sjellin ujkun në torishtë", siç thotë populli ynë i urtë, -"qeni i keq ta sjellë ujkun në torishtë". Pa asnjë paragjykim, çdo tolerancë, çdo heshtje dhe çdo indiferencë ndaj këtij fenomeni primitiv antifetar, antikombëtar dhe anticivilizues evropian, konsiderohet aprovim dhe justifikim i së keqes. Amerika mbron të gjitha të drejtat dhe liritë e mia, ashtu sikurse mbrojti jetën time dhe 2 milionë e gjysmë shqiptarëve në Kosovë nga terrori dhe gjenocidi i Serbisë së Milosheviqit (1999). Ndërkaq, Dy karafila kokëtharë të Shkodrës më ofendojnë dhe mohojnë identitetin tim fetar, kombëtar dhe atdhetar shqiptar, duke më krahasuar idiotikisht dhe turpësisht si "filo-osman" dhe si "patriot i Erdoganit", vetëm pse i përkas fesë myslimane dhe pse nuk shkruaj siç lehin dhe llomotisin ata me shkarravinat e tyre ofenduese islamofobe armiqësore kundër vëllezërve të tyre të komunitetit mysliman!? Kundër këtij fenomeni të turpshëm, racist, antihuman dhe antishqiptar, mund të lexoni këtë Reagim timin në: http://www.kosova-sot.info/opinione/203906/ndergjegjja-ime-fetarekombetare-dhe-atdhetare-shqiperiaetnike/). -Me armiq të tillë të egër diskriminues sllavofilë islamofobë antishqiptarë, kurrë mos u bashkofshim as në varr! Prandaj, shqiptarë: myslimanë e të krishterë, të jemi së bashku si përherë, e të mos "kërkojmë çiçrra në hell", duke ia mohuar njëri-tjetrit meritat, vlerat dhe të drejtat e liritë fundamentale të njeriut për t'i ushqyer dhe për t'i kënaqur qentë e egër dhe të çartur injorantë dhe tradhtarë, që për "një asht të huaj" po na kërcënojnë derë më derë. -Sa më sipër, "kambanat po bijnë për kë ka vesh, sy e zemër shqiptari dhe atdhetari, koha po na dikton, që urgjentisht secili të fshijë oborrin e vet nga hedhurinat e ndryshme epidemike dhe virusoide kontaminuese antifetare, antikombëtare, antihumane dhe antishqiptare. -Pastërtia është garancia e shëndetit. Ndaj, "Nëse është e mundur higjiena e trupit, atëherë është e mundur edhe higjiena e mendjes dhe e karakterit të njeriut"(Pisarev).
(Kosova Sot)
