Zgjidhet misteri i qenve të kaltër
Është zgjidhur misteri i qenve të kaltër të Mumbait
Kohëve të fundit janë parë qentë duke u sorollatur në rrugët e qytetit indian me qime të ngjyrosura me ngjyrë të kaltër.
Një hetim nga autoritetet e qytetit e ka konfirmuar atë që tash e një kohë dyshohej nga vendorët – qimet e qenve ishin ngjyrosur nga mbeturinat industriale.
Një fabrikë prodhimi është mbyllur pasi ishte akuzuar për hedhjen e mbeturinave kimike në mënyrë të paligjshme në një zonë tejet të industrializuar të Lumit Kasadi.
Në mesin e kemikaleve tjera janë gjetur edhe nivele të larta të klorit në ujë.
Thuhet se qentë shpesh notojnë në këtë lumë, ku edhe e kanë marrë ngjyrën e re në trupin e tyre.
Vendorët të cilët e kishin parë ndryshimin te qentë u ankuan të autoritetet, të cilat nisen hetimin.
“Ishte tronditëse ta shohësh se si qimet e bardha të qenve ishin shndërruar krejtësisht në ngjyrë të kaltër,” ka thënë aktivisti për të drejta të kafshëve, Arati Chauhan për Hindustan Times.
(Kosova Sot)