Kosova Sot
description

U promovua revista ?OK KIDS?

Publikuar: E premte 1 Tetor 2010, 17:09 31 Komente

Në shkollën fillore “Xhemajl Mustafa” të Prishtinës u promovua revista e parë moderne në Kosovë, “OK KIDS”. Në promovimin e kësaj reviste morën pjesë ambasadori britanik, Endi Sparks, ministri i Arsimit, Enver Hoxhaj, drejtori i Drejtorisë për Arsim në Komunën e Prishtinës, Remzi Salihu. Po ashtu, në këtë promovim mori pjesë edhe drejtoresha e Këshillit Britanik për Kosovën, Arjeta Emra, si dhe drejtoresha e gazetës “Kosova Sot”, Margarita Kadriu, e cila njëherësh është edhe botuese e revistës “OK KIDS”. Të pranishmit thanë fjalë të mira për punën që është bërë me nxjerrjen e revistës “OK KIDS”. Ministri Hoxhaj para nxënësve deklaroi se MASHT-i nga viti i ardhshëm mendon ta fusë mësimin e gjuhës angleze nga klasa e parë dhe revista “OK KIDS’ mund të shërbejë në këtë drejtim, pasi nëpërmjet 4 faqeve që i ka kjo revistë në gjuhën angleze nxënësit mund të mësojnë më lehtë këtë gjuhë. Ambasadori Sparks u shpreh se ndihet i lumtur që po merr pjesë në promovimin e revistës “OK KIDS”. “Kjo revistë është shumë e rëndësishme për nxënësit në Kosovë dhe e përkrah plotësisht idenë e ministrit Hoxhaj për mësimin e gjuhës angleze për nxënësit që nga klasa e parë, sepse fëmijët janë e ardhmja e Kosovës”, shtoi ambasadori Sparks. Për këtë projekt interesant foli edhe drejtoresha e gazetës “Kosova Sot”, Margarita Kadriu, e cila tha: “Siç e kishim paraparë, kërkesat për këtë revistë u rritën tepër dhe tanimë kemi kërkesa të mëdha të fëmijëve dhe prindërve anekënd Kosovës që kjo revistë të botohet e veçantë dhe t’u ofrohet fëmijëve në të gjitha shkollat e Kosovës, si pjesë përbërëse e mësimit të tyre. Në këtë drejtim shtëpia jonë botuese ka arritur marrëveshje me “British Council” që të ata të përgatisin disa faqe në gjuhën angleze. Për herë të parë në Kosovë do t’u mundësohet nxënësve kosovarë që të mësojnë gjuhën angleze edhe përmes revistës së vetme në Kosovë për fëmijë, “OK KIDS”. Revista “OK KIDS” ka 36 faqe kolor, në madhësi A-4, dhe trajton preokupimet, vështirësitë, sukseset dhe perspektivën e fëmijëve”. Numri i parë i revistës “OK KIDS” ka 50.000 kopje dhe do të shpërndahet falas në shtatë komunat kryesore të Kosovës: Prishtinë, Prizren, Pejë, Gjakovë, Ferizaj, Gjilan, Mitrovicë.

Printo Dërgo
  • di





arkivi i lajmeve