Capello: Reali ka frikë nga Juve

Ish-trajneri i Real Madridit – i cili njëkohësisht e ka drejtuar edhe Juventusin – Fabio Capello, beson se skuadra spanjolle ka frikë nga ajo italiane.

Dy gjigantët e futbollit evropian ndeshen në finalen e Ligës së Kampionëve më 3 qershor në Cardiff dhe trajneri italian mendon se Los Merengues janë të shqetësuar për kundërshtarin e tyre.

“Drejtorët e Realit kanë frikë nga Juve”, ka thënë Capello në një intervistë për Fox Sports.

“Ata më kanë pyetur pse mbrojtja e Allegrit nuk pranon gola. U kam thënë se do të jetë një finale e baraspeshuar, ndoshta Reali do të ketë një përparësi falë vlerave në sulmin e tyre”.

“Cristiano Ronaldo vazhdon të jetë më i miri në botë edhe tash”, ka deklaruar më tej strategu italian.

Capello e ka drejtuar Real Madridin në dy periudha (1996-1997 dhe 2006-2007), si edhe Juventusin gjatë viteve 2004-2006. Ai ka qenë njëherësh edhe lojtar i Bianconerëve (1970–1976). 

(Kosova Sot)