Tyson Fury i bën thirrje Bellewit: Unë jam gati, eja lufto me mua (Video)
Tyson Fury ka publikuar një video në rrjetet sociale, ku shihet duke i kërkuar duel Tony Bellewit.
Boksieri britanik ka filluar stërvitjet dhe pritet që gjatë vitit 2018 të rikthehet në ring.
Menjëherë pasi David Haye lajmëroi opinionin për shtyrjen e meçit kundër Tony Bellew, Tyson Fury bëri një video në instagram.
“Unë do të jem gati, i gatshëm për të luftuar me ty Tony Bellew, me 5 maj në “O2 Arena” në Londër. Nëse doni të luftoni me një njeri të vërtetë, boksierin më të mirë në botë në peshat e rënda, me një kampion të vërtetë, atëherë eja, unë jam gati”, ka thënë Fury.
Që nga rikthimi në arenën e boksit, Fury ka thirrur afër 10 rival, përfshi, Anthony Joshua, Deonaty Wilder dhe Joseph Parker.
Fury ka të zhvilluar 25 meçe, 25 fitore, 18 me KO.
(Kosova Sot)
