Momenti kur Ronaldo i kundërpërgjigjet trajnerit të Gremios (Video)

Ronaldo nuk ka dashur të komentojë shumë për deklaratat e Renatos, duke thënë se “është mendimi i tij dhe nuk kam çfarë të them”.

Ylli i Real Madridit, Cristiano Ronaldo, i është përgjigjur trajnerit të Gremios, Renato Gauchos, i cili ka pohuar se ai ishte lojtar më i mirë se pesë herë fituesi i Topit të Artë.

I pyetur se çfarë mendon për komentet e Renatos, sulmuesi portugez ka thënë se përgjigja më e mirë do të ishte thjesht qeshja.

“Çështja Renato Gaucho? Përgjigja më e mirë është të qeshi. Çfarë doni që unë të them? Ka gjëra ndaj të cilave nuk ia vlen të përgjigjes. Jam i lumtur sepse shënova gol dhe në jemi kampion të botës”, ka thënë Ronaldo pas fitores së  Real Madridit në finale të Kupës së Botës për Klube ndaj skuadrës së Renatos, Gremios, të shtunën mbrëma.

Deri te ky debat erdhi kur Cristiano Ronaldo pohoi në fillim të dhjetorit, pasi e fitoi Topin e Artë për herë të pestë, se ai është lojtari më i mirë në histori të futbollit dhe se nuk ekziston ndonjë futbollist më i kompletuar se ai.

Kjo nxiti reagime të mëdha, e Renato ishte ai që iu përgjigj direkt portugezit, duke insistuar se në kohën e tij, edhe ai ka qenë futbollist më i mirë se Cristiano Ronaldo.

(Kosova Sot)