Mourinho kritikon lojtarët
Mourinho është i lumtur për fitoren, por jo edhe për paraqitjen në pjesën e dytë kundër WBA-së.
Jose Mourinho mendon se lojtarëve u mungoi dëshira në pjesën e dytë që i mundësoi West Bromit të luftojë deri në minutën e fundit në kërkim të një rezultati pozitiv, por që tri pikët në fund u takuan “Djajve të Kuq”.
Golat në pjesën e parë nga Romelu Lukaku dhe Jesse Lingard i mjaftuan Man Unitedit që të regjistrojë fitoren e gjashtë në shtatë ndeshjet e fundit në Premierligë.
“Mendoj se lojtarët humbën paksa dëshirën në pjesën e dytë, për dallim nga paraqitja në pjesën e parë. Lojtarët nuk e kishin atë entuziazëm edhe në pjesën e dytë”, tha Mourinho.
“Sido që të jetë, duhet të përgëzojmë kundërshtarin për insistimin, ata janë të fortë në ajër – kanë lojtarë të gjatë dhe agresiv. Por, ne merituam fitoren pasi ishim ekipi më i mirë në fushë”, shtoi Mou.
(Kosova Sot)