“Messi kurrë nuk do të bëhet futbollist më i madh se Maradona”
Sulmuesi legjendar i Argjentinës, Gabriel Batistuta, beson se superylli Lionel Messi kurrë nuk do ta tejkalojë Diego Maradonën si futbollisti më i madh në histori të futbollit argjentinas.
Që një kohë të gjatë ekziston debati se kush është futbollisti më i madh argjentinas ndonjëherë, i cili më së shumti i përfshinë Messin dhe Maradonën.
Messi është golashënuesi më i mirë në histori të Argjentinës, por ende nuk e ka fituar ndonjë trofe të madh me ekipin e parë kombëtar, ndërsa Maradona e udhëhoqi Argjentinën drejt triumfit në Kupën e botës më 1986.
“Për mua Maradona është më i madhi i të gjitha kohërave”, ka thënë Batistuta për Corriere dello Sport.
“Diego e përfaqëson Argjentinën në shumë gjëra tjera po ashtu, jo vetëm në futboll. Ai ishte lojtari i parë që na çoi në qiell, duke e fituar Kupën e Botës. Ai ka sharmë, ka pasur talent të rrallë dhe imagjinatë”, shtoi ai.
“Messi, edhe ka teknikë të ngjashme apo edhe më të mirë, nuk mund ta krahasohet me të. Lionelit i mungon sharmi i Maradonës”, ka theksuar ai.
(Kosova Sot)