80 mijë kilometra më biçikletë, ky është tifozi “më i çmendur” në Rusi

Futbolli dhe pasioni janë një binom i pandashëm për një tifoz. Dhe kur flasim për ndjenjat ndaj skuadrës kombëtare mbështetësit nga Amerika e Jugut bëjnë diferencën.

Këtë e vërteton edhe Matías Amaya, tifoz i Argjentinës, i cili ka bërë një udhëtim 80 mijë kilometra me biçikletë për 5 vite duke kaluar 37 shtete, me qëllimin për të ndjekur ‘albiçelestët’ në Botërorin e Rusisë.

Ai u nis nga Suan Huan në Argjentinë dhe fillimisht u përqendrua në Brazil, për të ndjekur kampionatin Botëror të 2014-s. Gjithsesi ai nuk e dinte se fati do t’i ndryshonte jetën.

Pas përfundimit të kampionatit Botëror në Brazil Matias u nis për në “Rusi 2018”. Brazili u pasua nga Meksika dhe më pas Panamaja. Më tej mbërriti në SHBA nga ku u nis për në Spanjë. Së fundmi Matias ka mbërritur deri në Sheshin e Kuq të Moskës.

Dy vite kohë atij i është dashur për të udhëtuar nga kryeqyteti spanjoll në Moskë. Tifozi i argjentinas u shpreh se frymëzimi për këtë udhëtim ishte edhe thyerja e një rekordi “Guinness”, ku nuk munguan as ndihma e familjeve që takoi gjatë udhëtimit.

“Pa to, nuk do të isha këtu. Biçikleta ime është plot me kujtime të tyret”-deklaroi fillimisht Matias. Më pas ai shtoi: “Pasi humba punën, shtëpinë dhe makinën, zbulova njerëz që me pak para ndanë botën me mua. Vendosa ta bëj këtë udhëtim nëpër botë dhe tani do të ndjek Argjentinën në Botëror. Biçikleta peshon 90 kg dhe e kam quajtur ‘Liria’”.

(Kosova Sot)