Messi mbush 31 vjet, mesazhi i bashkëshortes (Foto)

Një ndër lojtarët më të mirë në histori të futbollit dhe fituesi i pesë “Topave të Artë’, Lionel Messi, sot feston 31-vjetorin e lindjes.

Për sulmuesin argjentinas, yllin e Barcelonës, ndoshta ky nuk është momenti më i mirë për të festuar këtë ditë të veçantë për të.

Megjithatë, bashkëshortja e tij Antonella Roccuzzo ka vendosur nëpërmjet një dedikimi t’i ndryshojë humorin bashkëshortit.

“Gëzuar ditëlindjen zemra ime, të duam shumë. Faleminderit që më bën të ndihem gruaja më e lumtur në botë dhe për familjen që kemi, që është thesari ynë më i madh. Uroj të jesh i lumtur sot e përgjithmonë”, shkruan Antonella në postimin e saj në rrjetet sociale.

Messi dhe Antonella janë prindër të tre fëmijëve; Thiago, Mateo dhe i vogli, Ciro.Bashkë me mesazhin, bukuroshja argjentinase ka publikua edhe disa foto, që mund t’i shikoni më poshtë.

 

 

(Kosova Sot)