Presidenti i Napolit kërkon që të pezullohen nga Liga e Kampionëve Roma dhe Liverpooli për këtë arsye
Presidenti i Napolit, Aurelio De Laurentiis e ka lëshuar një interviste interesante për Gazzeta dello Sport duke thënë se Liverpooli dhe Roma kanë të njëjtin pronar.
“E kam një ndjenjë se Roma dhe Liverpooli e kanë një pronar të përbashkët. Më ka thënë dikush para një kohe dhe nëse kjo është e vërtetë atëherë këto dy klube duhet të pezullohen nga Liga e Kampionëve”, ka thënë italiani.
Sipas UEFA-së, dy klube që marrin pjesë në Ligën e Kampionëve dhe kanë të njëjtin pronar nuk lejohen.
Nuk ka ndonjë evidencë se klubet kanë pronarin e njëjtë.
Liverpooli ka nënshkruar me dy lojtarë nga Roma në vitin e fundit, Mohamed Salahin dhe Alisson Beckerin dhe ky mund të jetë dyshimi i vetëm.
(Kosova Sot)