“Koulibaly është mbrojtësi më i mirë në botë”
Qendërmbrojtësi i Napolit, Kalidou Koulibaly, është prezantuar si mbrojtësi më i mirë në botë sipas ish-lojtarit të Juventusit dhe Lazios, Guglielmo Stendardo.
27-vjeçari është rregullisht në formacionin bazë të Napolit që nga viti 2014, kur u transferua nga Genk.
“Koulibaly është mbrojtësi më i mirë në botë momentalisht”, ka thënë Stendardo për Radio Kiss Kiss.
“I vetmi që i afrohet është Sergio Ramos”.
“Ai është rritur shumë gjatë tre vjetëve nën menaxhimin e Maurizio Sarrit, ai e kontrollon shumë mirë topin dhe krijon raste nga mbrapa”.
(Kosova Sot)
