Klauzolë e lartë në kontratën e re të Robertos
Barcelona është duke planifikuar ta vendosë një klauzolë të lartë në kontratën e re të Sergi Robertos.
Katalunasit dëshirojnë ta mbajnë me çdo kusht mesfushorin që është produkt i akademisë së klubit, mirëpo edhe në rast se largohet nuk dëshirojnë ta lënë të shkojë për një çmim të lirë.
Klauzola aktuale e Robertos është 30 milionë euro, ndërsa Barça planifikon që ta ngris këtë shifër në kontratën e re të mesfushorit.
Robertos gjithashtu do t’i ngritet paga nga 1.5 milionë në 2 milionë euro, ndërsa me kontratën e re ai do të mbetej në ‘Camp Nou’, deri në vitin 2019, transmeton SkySports nga Marca.