description

Aksidentet, 7 të vdekur në 25 orët e fundit

Publikuar: E shtune 7 Gusht 2010, 21:04 17 Komente

Shtatë persona kanë vdekur dhe 19 të tjerë janë lënduar në aksidente të trafikut, të cilat kanë ndodhur gjatë së premtes dhe së shtunës. Këto shifra të regjistruara në itinerarin e 25 orëve të fundit e kanë alarmuar Policinë e Kosovës, e cila ka paralajmëruar ashpërsim të masave ndaj ngasësve, të cilët nuk i respektojnë rregullat e trafikut. Sipas zëdhënësit të policisë, Arbër Beka, gjatë 25 orëve të fundit janë regjistruar shtatë aksidente me fatalitet dhe 19 me lëndime trupore, në të cilat jetën kanë humbur shtatë qytetarë të vendit. Beka ka konstatuar rritjen enorme të viktimave gjatë këtyre dy ditëve.“Policia e Kosovës, duke vërejtur këtë numër të aksidenteve brenda 24 orëve, u bënë thirrje të gjithë qytetarëve të cilët qarkullojnë në rrugë me ose pa automjete, të bëjnë kujdes dhe të tregohen të vëmendshëm në zbatimin e normave të sjelljes të sanksionuara me ligjin për sigurinë e komunikacionit rrugor. Moszbatimi i tyre për fat të keq po paguhet me jetë”, ka thënë zëdhënësi Beka. Ai ka paralajmëruar se njësitet patrulluese të PK-së do të ashpërsojnë masat e gjobitjes e kjo nënkupton që nuk do të ketë kurrfarë tolerimi për kundërvajtësit, të cilët nuk e respektojnë në veçanti shpejtësinë e kufizuar me shenja. “Gjatë tërë ditës së sotme dhe ditët në vijim do të ketë pika kontrolli shtesë të njësiteve të trafikut dhe të gjithë pjesëmarrësit që nuk i respektojnë dispozitat e Ligjit për sigurinë e komunikacionit rrugor do të gjobiten e në raste të caktuara, siç është e paraparë edhe me ligj, do të merren edhe masa të tjera” ka thënë zëdhënësi Beka. Vdekja e parë, sipas të dhënave të policisë, është shënuar në QKUK, ku të premten në ora 10:00 kishte ndërruar jetë një qytetar, i cili ishte aksidentuar më katër gusht në një aksident në fshatin Krushë e Madhe të Rahovecit. I vdekuri i dytë, sipas të dhënave të policisë, është shënuar shtatë orë më vonë dhe atë në fshatin Radivojcë të Gjilanit. Sipas policisë në këtë aksident jetën ka humbur ngasësi i një motoçiklete, i cili ka ndërruar jetë pas përplasjes me një veturë civile. Gjashtë orë e gjysmë më vonë në afërsi të liqenit të Badovcit është shënuar edhe një i vdekur në komunikacion. Në ora 23:25, sipas policisë, një person me veturën e tij civile, duke mos e përshtatur shpejtësinë e lëvizjes, ka dalë nga rruga dhe ka rënë në greminë, me ç’rast si pasojë e lëndimeve të rënda viktima ka ndërruar jetë. Pesë minuta më pas, sipas policisë, në fshatin Kushtovë të Mitrovicës policia ka regjistruar edhe një aksident tjetër, ku pas përplasjes së një makine civile me një kamion jetën e ka humbur një qytetar. Po ashtu sipas policisë aksident tjetër me pasoja fatale është shënuar edhe në fshatin Vlashnje të Prizrenit. Aksidente fatale, sipas të dhënave të policisë, janë shënuar edhe gjatë paradites të së shtunës. Sipas këtyre të dhënave, aksidenti i parë është shënuar në qytetin e Gjilanit, ndërsa i dyti është shënuar në qytetin e Prizrenit.

Printo Dërgo
  • di

Komente


  • Ardiani 18.08.2010 - 12:59

    ___ nese dikush e shkel dikend ne komunikacion dhe e vret atehere gjykata pret vetem deri sa familja t'ia fal pas shum trysnive qe iu behen familjes dhe e leshojne , pra gjykata ne kete menyre vetem se e mban kriminelin ne mbrojtje te vet deri sa ta lejon te lire. DUHET TE KERKOHET PERGJEGJESI NGA MINISTRIJA E JO NGA POLICET E SHKRET TE CILET JAN KOMPLET TE PA SHKOLLE PER TE RREGULLUAR KETO GJERA SE POLIC ME KURS POLICIJE NUK MUND TE BEHESH E TE GJITHE E DIM SE KEMI POLIC TE CILET NUK DIJN AS TE SHKRUAJN

  • Ardiani 18.08.2010 - 12:54

    Së pari duhet qe te vetedijesohemi ne si qytetarë e pastaj ta kerkojm fajtorin. per deri sa ministrija e komunikacionit lejon qe te merret patent shoferi me ni "bakshish " prej 50 apo 100 eurosh, atehere nuk kemi nevoj te kerkojm me tutje fajtoret. kjo ministri lejon qe te kemi gropa neper rruget tona duke i lejuar ndermarrjet qe me te njejtit kapak te shahteve te mbulojn ter magjistralen duke i zhvendosur nga njeri shaht ne tjetrin. pastaj nuk ka asnje obligim per rryp te sigurimit sepse askush s'te denon nese nuk e ve, njerzit per te fol me "shlire" ne telefon i hypin makines dhe fillojn ta ngasin ate per te qen ne qetesi per telefonate, pra jan shum kesogjera qe jane shkaktare per keto aksidente. duhet te denohen rende ata qe shkelin rregullin e jo ti lejojm te vazhdojne

  • fatmiri -zermatt 17.08.2010 - 19:29

    Njerz ndashi besoni ndashi mos besoni 2 jave kam nejte ne Ks dhe tere kohen qe kam dal ne rruge kam shfrutezuar rastin te hec apo te vozise prapa ndonje kamioni,e ndjejsha veten te sigurt ,ne filim vetem diten e pare kam qen ne rrezike per jete nga shofer te pa pergjegjshem ne mes te ktheses vetem zoti me ka shpetuar,andaj shoferet jan ata qe vrajn jo policia !duhet te jen te vetedijshem se ne vendbanim nuk i grahet kerrit 100kmh!

  • fadili 15.08.2010 - 13:20

    Une mendoj ndryshe nga kta qe kan shkru para meje,spari duhet parlamenti te aprovoj nje ligj qe perfshin tri gjera gjykaten,policin,e ne fund pjesmarsit ne komunikacion,1 gjykata duhet te ofroj prova per lenden e zbatuar,2 polici i cili nuk e shqipton tiketen po pjesmarsi ja gjan nje lidhje atij policit aji polic duhet burgosur dhe 3 pjesmarsi mendoj se do te edukohet ne trafik dhe besoj shum se do te ket shum ma pak probleme,faleminderit

  • naski 12.08.2010 - 16:41

    fajin e kan me se shumti vozitesit per aksidente por edhe polica e trafikut duhet me shum te punohet me shum ti denojn ata te cillet nuk i pershtaten rregullave te kumunikacjonit kaq

  • lulja 11.08.2010 - 11:15

    Pas ktyre komenteve te ktyre qytetarve une them se policia ashtë shkaktare e shum ngjarjeve ne Kosovë nga se nuk sheh policë ne rruget e kosovë as një polic në këmbë, një ras gruaja duke pritur autobusin lokal ja vjedhin qanten e asnje polic nuk ishte andej pari,a nese del ne vikend i shef policet ne restorante duke pirë kafe. Kurse, policet e komunikacionit dalin ne fund te muajit kur meren rogat e bain denime duke u mshefur afer vendeve qe nuk shihe, kurse qytete jan remuj me komunikacion nuk shef asnje polic qe drejton komunikacionin kjo esht e pa shpjegushme.

  • GJIMI 10.08.2010 - 22:08

    MA MER MENDJA ME SE SHUMTI ESHTE FAJI TE VOZITSIT E AUTOMJETEVE ENE REND TE DYT TE POLICIJA ,BOL MO NEPRE KAFITERI PAK LE TE ECIN EDHE NE KEMB. MOS TI RUJN KEPUCET.POLICIA

  • Izberi 10.08.2010 - 12:47

    Familjeve te viktimave u shprehim ngushllime per humbjen e tyre,ndersa pergjegjesia bie te policia rrugore dhe te ministria e tramsportit e cila nuk i ka vendos te gjitha shenjat ne rruge.Po ahtu edhe shoferet duhet te jene te kujdeseshem ne vozitje qe fare pak i respektojne rregullat e komunikacionit.Denimet te jene rigoroze dhe te pa falshme,sepse kushtojn me jetra.Me keqeardheje po i shkruaj keta rreshta.

  • zvicra korrik 09.08.2010 - 20:01

    asht per keq ardhje se lypni vetem prej pjesmarrsve ne komunikacion pergjegjsi ku qendron pergjegjsia e njerzve qe jan pergjegjs per rrug shenja ne komunikacion shaktat e hapur rruget pa shenja per te njoftue pjesmarrsit ne kom.punimet neprrrug po ju zotrr rrini neper zyre edhe skeni nevoj per tu brengosur, per qytetar qe humbin jeten neper rruget e kosoves.invalidet prindit pa femi femija pa prind pikrisht pergjegjsia e njerzve qe nuk nihen as pak te pergjegjshem bravo vzhdon mebytni njerzit pa piken e fajiz baravo BRAVO.

  • zvicra korrik 09.08.2010 - 20:01

    asht per keq ardhje se lypni vetem prej pjesmarrsve ne komunikacion pergjegjsi ku qendron pergjegjsia e njerzve qe jan pergjegjs per rrug shenja ne komunikacion shaktat e hapur rruget pa shenja per te njoftue pjesmarrsit ne kom.punimet neprrrug po ju zotrr rrini neper zyre edhe skeni nevoj per tu brengosur, per qytetar qe humbin jeten neper rruget e kosoves.invalidet prindit pa femi femija pa prind pikrisht pergjegjsia e njerzve qe nuk nihen as pak te pergjegjshem bravo vzhdon mebytni njerzit pa piken e fajiz baravo BRAVO.

  • Bajrami.E 09.08.2010 - 19:44

    Zotri Arben pyetja vlen per ju personalisht ju ose te tjeret qe jan pergjegjs per komunikacion ne KOSOV. mos ja leni fajn vetem vozitseve por pergjegjsin e mbani ju ose dikush afer jush vetem nji rast i fresket qe e kam perjetue vet na rrugen kryqi ose rrethi i Lipjanit ne drejtim te prishtines ku kam perjetue fatkeqsi ndeshje direkte e kjo asht pergjegjsia e njerzve qe merren me shenjat e komunikacionit si asht e mundur qe ne rrugen Qagllavic Qumeri ne rruget ndihmes mos te ket asnji shenj se asht rrug qarkulluese dy katshe ju po bani nji shkelje drakonike eikini futur komunikacionin ne nji luft totale na asnji vend ne bot nuk ndodh te ket rruget pa shenja komunikacioni si ne kosov .ju me kan ne nji vend ku funkcionon ligji ju udasht me kan ne burg se as kush nuk merret me seriozitet

  • sadik kelmendi-mitrovic 09.08.2010 - 17:58

    Kjo eshte e tmerrshme cka ndodhe ne rrugete e Kosoves ! Ne na vriten me shume njerze ne komunikacion nga pakujdesija e ngasve te automjeteve se sa ne lufte .Ju beje lutje organeve te rendit te marrin masat me te rrepta qe eshte e mundur ta parandalojne kete tragjedi qe po i ndodhe popullit tane ne Kosove . Mbese me shprese qe lutja ime te ze vende ne ndergjegjesimin e ngasve te automjeteve dhe ne ashpersimin e gjobave tek organete rendit !

  • shefqeti 09.08.2010 - 14:45

    ku jane gjithes ata polic e police qe i hidhnin kapelat ne qiell gjate ceremonive te promovimit e sot se shef asnje madje edhe ne ket kohe te ketij fluksi me emigrantet qe e kane renduar aq shume trafikun me keto manifestime azi-afrikane te dasmave e synetlleqeve e cka tjeter,,,

  • elma gr 09.08.2010 - 14:34

    Po drejtuesit e makinave duhet te ken kujdes po edhe polic duhet te ket ma shum ne rrug

  • haki 09.08.2010 - 13:41

    fatkeqësisht jan humbje të renda për të gjith ne,sa kam njohuri shumica dermuese e aksidenteve ne trafikun ton Kosovar vijn si pasoi e mos pershtatjes me kushtet e trafikut pastaj perdorimi i alkoolit ngasja pa patent shofer dhe ne fund sinjalizimi i dobet i rrugëve tona. Mendoi që zgjidhja është ashpersimi i xhobave deri ne konfiskim dhe ndalesë për një kohë(ekziston kjo ne ligjin per trafik por nuk e respektojn pastaj vijn fatalitetet), zero alkohol per ngasesit, patrollim te shtuar ne trafik sidomos ne sezonen verore, presion ne organet qeveritare qendrore e lokale per sinjalizim sipas normave. Ajo që vendin do ta shpetonte nga kjo është EDUKIMI duke filluar qe nga moshat parashkollore e me lartë si dhe kriteriumi ne nivel për paisje me patent shofer, duke mos harruar kontr. teknike.

  • dardani 08.08.2010 - 14:40

    pergjegjsin per kto aksidente e ka policia e kosoves

  • sulejman hasani 08.08.2010 - 10:24

    Per keqardhje drejtuesit e kominikacionit duhet te marrin pergjegjsite qe kan dhe jo vetem gjoba por edhe marrjen e patente shoferit dhe ndalimi deri ne dy apo me shume muje dalja ne kominikacion atyre qe shkelin rregullat ne kominikacion dhe ne asnji mynyre mos te lihet intervencat dhe te rrespektohet denimi,kisha pas deshire qe te merren shume modele nga suedija dhe te zbatohen ne kosove qe une e dua shume pershendetje

arkivi i lajmeve