Tigri të cilin e kishte rritur, e copëton punonjësin e kopshtit zoologjik (Video) - TV - Kosova Sot
Tigri të cilin e kishte rritur, e copëton punonjësin e kopshtit zoologjik (Video)

Tigri të cilin e kishte rritur, e copëton punonjësin e kopshtit zoologjik (Video)

Punëtori i një kopshti zoologjik është mbytur nga një tigër, të cilin e kishte rritur qysh kur ishte i vogël.

Punonjësi i kopshti zoologjik i identifikuar vetëm si Wu, po qëndronte brenda kafazit vetëm me tigrin, ku për vite të tëra e kishte ushtruar.

Befasisht tigri i vërsulet dhe e ngufat deri në vdekje, kanë njoftuar zyrtarët e qytetit kinez Fuzhoi në provincën Fujian. Wu që punonte për kopshtin zoologjik të qytetit, kishte rritur tigrin qysh kur ishte i vogël.

Pamjet rrëqethëse të filmuara nga dëshmitarët okularë, shfaqin tigrin duke qëndruar pranë trupit të pajetë të burrit brenda kafazit, derisa dikush dëgjohet duke bërtitur “telefononi policisë.

Një video tjetër e edituar nga mediat kineze për shkak të pamjeve të rënda, shfaqin tigrin duke e copëtuar burrin, derisa punonjësit tjerë mundohen ta shpërqendrojnë tigrin duke e goditur me një shkop.

Edhe pse arritën ta tërheqin viktimën nga kafazi ai ishte pa shenja jete, ndërsa me të mbërritur në vendin e ngjarjes mjekët konfirmuan vdekjen e tij. 

 

 

(Kosova Sot)

11 orë e 26 minuta më parë
18/07/18