Politika fajtor për zbrazjen e Kosovës?(Foto/Video)
Të anketuarit e “Kosova Sot” thonë se fajtorë për zbrazjen e Kosovës që po ndodhë edhe tash, janë gjitha qeveritë e pasluftës që menduan vetëm së si të pasurohen për vete.
Xhafer Jashari thotë se fajtorë janë të gjitha qeveritë dhe përbërjet e parlamentit. “Qytetarët kanë humbur shpresën se punësohen familjarët e pushtetarëve dhe militantët partiak e rinia bredh rrugëve”.
Ismet Arifi shprehet se fajtorë janë pushteti dhe qeveria që nuk krijoi kushte për punësim e rinia bredhë rrugëve dhe nga varfëria e madhe që e ka kapluar vendin po detyrohen që ta lëshojnë Kosovën.
Emin Gërbeshi shprehet se fajtorë janë të gjitha qeveritë që e zbrazën Kosovën ngase nuk punuan fare për popull por vetëm për xhepat e tyre. “Andaj qytetarët nga skamja po detyrohen që të ikin ashtë vendi”.
Shefki Muqolli thekson se kur pritëm një jetë më të mirë pas lirisë u zhgënjyem e këtu nuk ka gjasa të përparohet veç klikës që është në pushtet. “Ata e sollën situatën deri këtu dhe tash as ata nuk mund ta zgjedhin”.
(Kosova Sot)