Qeveria pak po punon për zhvillimin ekonomik të Kosovës(Foto/Video)
Të anketuarit thonë se qeveritë e pasluftës në Kosovë nuk kanë punuar aq sa duhet për zhvillimin ekonomik të vendit tonë ngase qeveritë është dashur të bëjnë shumë më tepër.
Murat Lepaja thekson se Qeveritë e deritashme nuk kanë bërë mjaft sepse pa zhvillim ekonomik nuk ka as punësime ndaj është dashur të bëjnë më shumë. “Andaj kam frikën se me liberalizim vizash pritet eksod i ri”.
Beqir Pacolli shprehet se qeveritë tona nuk ka bërë asgjë për zhvillimin ekonomik të vendit tone, kurse për veten e tyre ata i kanë mbushur xhepat i kanë bërë të gjitha jetën në luks. “Ndërsa ka plot qytetarë që nuk kanë as të ardhura dhe as ku të flenë:.
Rrustem Zekolli konstaton se qeveritë nuk punuan aq sa duhet për zhvillim, sepse me privatizimin ata e shkatërruan ekonominë. “Ka qenë dashur për të zhvilluar metalurgjinë e xehtarinë e më pas edhe bujqësinë dhe energjetikën”.
Nazmi Kelmendi është i mendimit se të gjitha premtimet që i kanë dhënë të gjitha qeveritë tona kanë mbetur në pikën zero. “Është e turpshme që me aq kuadro të jemi në këtë nivel të zhvillimit ekonomik të vendit”.
(Kosova Sot)