Kate Moss e dashuruar në David Beckham

Kate Moss ka thënë se do të donte të ishte Victoria Beckham, pasi është e dashuruar pas bashkëshortit të saj, David Beckham.

Supermodelja e bëri këtë deklaratë gjatë një interviste për revistën “Stylist”. Ajo u pyet se cila ish – Spice Girls do të dontë të ishte dhe 41 – vjeçarja u përgjigj: “Victoria, pasi ajo është e martuar me David Beckham”.

Pavarësisht jetës si supermodele, në këtë intervistë, ndër të tjera Moss rrëfen se ajo është si të gjithë njerëzit e tjerë dhe se i kalon mbrëmjet duke bërë gjëra të zakonshme me familjen.

Ajo tha se një mbrëmje normale për të është të ndihmojë vajzën me detyrat, të përgatisë darkën apo të shohë TV.