Kur terminali shndërrohet në pistë mode (Foto)

Ajo është një nga modelet më të kërkuara në botë. Kështu që nuk është aspak për t’u habitur apo befasuar kur Rosie Huntington-Whiteley duket e mahnitshme e me stil shik, kur ajo kishte arritur në aeroportin ndërkombëtar të Los Anxhelosit, transmeton Kosova Sot Online.

Modljea 28 vjeçe nga brendi “Victoria's Secret”, e cila së fundmi është bartur edhe në aktrim, terminalin e qytetit të engjëjve pothuajse e kishte shndërruar në një pistë modash.

Bukuroshja bionde kishte të veshur një bluzë pa mëngë dhe me ngjyra, ndërsa që përfundi saj kishte të veshur një jelek me ngjyrë të zezë, si dhe xhinset e saj me ngjyrë të zezë në masë të madhe kishin theksuar ijët e saj.

Xhinset ishin të shkurta deri te kyçi i këmbës, sa për t’i theksuar edhe çizmet e saj të ngushta, që i kishin shtuar edhe më shumë gjatësi asaj. Flokët e saj të gjata ishin të lira t’ia preknin fytyrën, e për aksesorë kishte zgjedhur një çantë të zezë prej lëkure, pastaj unazë prej arit, xhingla dhe një qafore.

(Kosova Sot)