I pëlqen vetja (Foto)
Adele ka bërë të ditur se ka humbur peshë për ta arritur energjinë për xhiron e koncerteve, transmeton gazeta Kosova Sot Online.
Adele është paraqitur në ballinën e revistës ‘Vogue’ ndërsa është fotografuar nga Annie Leibovitz. Redaktorja e modës, Tonne Goodman e ka stilizuar aktoren me veshje nga ‘Burberry’, ‘Dior’, ‘Alexander McQueen’, dhe ‘Gucci’.Fituesja e dhjetë çmimeve ‘Grammy’ ka pranuar se ende preferon shumë ushqimin, por që ia ka dalë që të humbë peshë duke mbajtur dietë, duke ushtruar dhe duke hequr dorë nga cigaret.
“Kam provuar që të kem më shumë energji për xhiron time, kështu që kam humbur pak peshë”, ka thënë Adele në edicionin e muajit mars të revistës, e cila do të dalë në shitje më 23 shkurt. Këngëtarja, e lindur në Londër, e cila ka pirë dikur një shishe verë në ditë, ka hequr pothuajse krejtësisht dorë nga alkooli. “Në fakt, më pëlqen vetja më shumë se ndonjëherë më parë.
Ndjehem mirë, me të vërtetë më pëlqen dukja ime, më pëlqen se kush jam, më pëlqejnë të gjithë njerëzit që më rrethojnë”, ka thënë ajo.
(Kosova Sot)