Policia kontrollon automjetet e transportit publik, shqipton 169 gjoba

  • 11 February 2019 - 23:55
Policia kontrollon automjetet e transportit publik, shqipton 169 gjoba

Policia e Kosovës gjatë implementimit të planit operativ “Kontrolli i automjeteve të transportit publik”, ka kontrolluar rreth 245 automjete, ndërsa janë shqiptuar 169 gjoba si dhe janë konfiskuar tri palë targa për kundërvajtje.

Më së shumti tiketa janë shqiptuar për mungesë të aparatit të zjarrit, gjithsej 44 të tilla.

Në 24 raste, drejtuesit janë gjobitur për mungesë të pajisjeve rezervë, ndërsa 17 tiketa janë dhënë për mungesë të kontrollit 6-mujor të mjeteve transportuese.

Dënime janë shqiptuar edhe për kundërvajtje të tilla si drita të parregullta, tejkalim nga ana e djathtë, pa regjistrim, pasagjerë më tepër, errësimi i xhamave, përdorimi i telefonit, mos vendosja e rripit të sigurisë, tejkalim i shpejtësisë etj.

Policia e Kosovës thotë se me të tilla plane operative synohet rritja e sigurisë në trafik dhe ulja e aksidenteve të komunikacionit.

 

(Kosova Sot)