Lexoni edhe:
Dy të vdekur dhe 14 raste të reja me COVID-19 në Kosovë
40-vjeçari u sulmua për vdekje me thikë në qafë, gjoks dhe dorë, flet Drejtori i Spitalit të Gjilanit
Drejtori i Spitalit Rajonal të Gjilanit, Arsim Emini, ka folur për për plagët vdekjeprurëse që i mori 40-vjeçari me inicialet I.C., gjatë ditës së sotme në qytetin e Gjilanit.
Viktima nga fshati Llashticë i Gjilanit ka marrë plagë nga mjeti i prehtë thika, në qafë, në gjoks dhe në dorën e djathtë.
Sipas doktor Arsim Emini, ai është sjellë në Spitalin Rajonal të Gjilanit pa shenja jete.
“Viktima ka pësuar plagë, shpuese-therëse me madhesi mbi 15 cm në pjesën e përparë të qafës. Ka pësuar plagë therëse në anën e majtë të gjoksit, para dhe prapa. Plagë therëse ka pasur edhe në dorën e djathtë”, tha Emini.
Ai shtoi se me rastin po merret policia, teksa në vendngjarje kanë dalë edhe njesitë hetuese mjeko-ligjore.
Pas aktit tragjik, policia ka arrestuar të dyshuarin kryesor, bëhet fjalë për një 29-vjeçar. Teksa motivet mbi ngjarjen e ndodhur mbeten akoma të panjohura.
Për rastin është deklaruar edhe Policia e Kosovës, me anë të një njoftimi për media thuhet se për rastin është njoftuar edhe prokurori i shtetit.
“Rreth orës 13:15, Policia e Kosovës në Gjilan është njoftu për një rast “Therrje me thikë”. Njësitet relevante të Policisë së Kosovës kanë dalë me urgjencë në vendin e ngjarjes. Në vendin e ngjarjes ka dalë edhe mjeku kujdestar, i cili ka konstatuar vdekjen e viktimës, i moshës madhore. Policia e Kosovës ka arrestuar një person i cili dyshohet të jet i përfshirë në këtë rast të rëndë. Për rastin është njoftu prokurori i shtetit. Për momentin nuk dihen motivet dhe rrethanat lidhur me këtë rast të rëndë. Hetimet rreth këtij rasti të rëndë janë duke i udhëhequr Hetimet Rajonale nga Policia e Kosovës në kordinim me Prokurorin e Shtetit”, thuhet në njoftimin e policisë.
Media ka tentuar të marrë një përgjigje edhe nga prokurori kujdestar i cili po merret me rastin, mirëpo i njëjti nuk është deklaruar akoma.
(Kosova Sot Online)
