Mjeku shqiptar tregon si e nxorën nga rrënojat një fëmijë 4 vjeç: Fëmija ishte në gjendje shoku

Një pjesëtar i ekipit shqiptar të kërkim shpëtimit Grei Malo, ka rrëfyer operacionin e shpëtimit të një fëmije 4-vjeç në Malatya, përcjell “Kosova Sot Online”.

Ai tregoi se ky ekipi shqiptar arritën të nxirrnin të gjallë një fëmijë 4-vjeçar dhe 3 trupa të pajetë.

Malo tregoi se fëmija ishte në gjendje shoku dhe si ishte dehidratuar.

“Me të mbërritur ekipi shqiptar na aktivizoi AFAD-i, Agjencia e Emergjencave të Turqisë, na lokalizuan në një godinë 4 katëshe, ku nxorëm 3 kufoma dhe 1 fëmijë 4-vjeçe të gjallë.

Kjo fal stërvitjeve dhe trajnimeve që kanë bërë Forcat e Armatosura dhe në veçanti ekipi i Emergjencave Civile mbi kërkim shpëtimin.

Fëmija ishte në gjendje shoku dhe ishte e dehidruar. Nuk reagonte në fillim, në kuptimin e koshiencës, kuptohet pas gjithë asaj drame, por pati një far reagimi kur iu afrua familjarëve të tij, prindërve të tij.

E shoqëruam me ambulancë në spitalin rajonal përkatës nga shërbimi i urgjencës lokale”, tha Malo

(Kosova Sot Online)