4 shqiptarë vranë rojen për të vjedhur 30 mijë euro bakër

4 shqiptarë të komunitetit rom janë arrestuar nga policia greke si autorë të dyshuar të një vrasje të ndodhur në muajin korrik, transmeton gazeta “Kosova Sot Online”.

Ata akuzohen se kanë goditur me sende të forta rojën e një parku fotovoltaik në Ano Liosia. 54 vjeçari u godit pasi autorët kishin qëllim të vidhnin tuba bakri në park.

Pasi e goditën rojën me send hekuri, shqiptarët vodhën tela elektrikë, tuba bakri me vlerë 30 mijë euro, celularin e viktimës e më pas morën fuoristradën e kompanisë dhe u larguan.

Fuoristrada u gjet më pas e djegur në Nea Zoi, Aspropirgo.

(Kosova Sot Online)