Punësimet e akraballëkut nëpër institucionet e shtetit përbën kupolën e krimit të organizuar

Punësimet e akraballëkut nëpër institucionet e shtetit përbën kupolën e krimit të organizuar
  • 21 March 2019 - 08:43

Shkruan: Bekim Rexhepi

Elita politike e rehaton vetveten ngadalë duke zgjedh njerëzit e saj të caktuar në vendet kyçe të shtetit

Akuzat për krim dhe korrupsion janë zile të heshtura për gjykatat tona dhe ato ndërkombëtare, avazi i keq vazhdon dhe bëhet më vështirë, më i padurueshëm për qytetaret e Kosovës, të cilët presin momentin që të ikin nga atdheu që s’të jap bukë e nder, aty ku shkelet çdo kontratë sociale, vallë si mund t ‘ia bëhet ndryshe?!. Në sytë e ndërkombëtarëve zhvillohet krimi dhe korrupsioni, e pak edhe nga ta edhe sfidohen, fusin hundët në kokainën shqiptare

Punësimet e fundit të akraballëkut nëpër institucionet e shtetit përbën kupolën e krimit të organizuar brenda shtetit, që nga presidenti, kryeministri, kuvendari, ministrat, deputetët dhe kryetaret e partive kanë punësuar dhe për këtë nuk kemi dorëheqje të moralshme sepse nuk kanë moral. Si do ta përkufizonit këtë kulturë politike në Kosovë, ku elita politike e rehaton vetveten ngadalë duke zgjedh njerëzit e saj të caktuar në vendet kyçe të shtetit, në mënyrë që më pastaj kundërshtaret politik nuk do të mund ti prishin terezinë as edhe atëherë kur në të gjitha vendimmarrjet politike shfaqet absurdi. Punësohen baba, nëna, djali, çika, motra, vëllai, halla, tezja, axha, miku, dhëndri, kunata, miqtë e deri tek farefisi, e veç populli mbetet si gjithë në bisht t’sorrës.  Në këtë gjendje përkufizimi më adekuat është se: politikani mbetet mbeturina më e madhe, e cila riciklohet në të njëjtën vlerë për tregun aktual që mbase duhet të braktiset domosdoshmërish, sepse të krijon kancer në ardhmëri.

Akuzat për krim dhe korrupsion janë zile të heshtura për gjykatat tona

Autoriteti shtetëror me qëllim favorizon disa grupe të vogla dhe të caktuara në kurriz të tjerëve dhe të shumicës, madje i stimulon këto grupe të vogla që të mund ti krijojnë elitat korruptive e kriminale që të mund të godas të tjerët, e veçmas në radhën e shumicës inferiore të cilat shihen vetëm si burime për ta. Ky lloj imazhi afrikan vazhdon edhe në qeverinë e aktuale të Kosovës, sepse politika e korrupsionit dhe krimit nuk filloj pas pavarësisë, ajo u rishfaq edhe më herët, edhe gjatë luftës u pastruan fondet për çlirim dhe u vranë njerëz që kishin të bënin me fondet. Akuzat për krim dhe korrupsion janë zile të heshtura për gjykatat tona dhe ato ndërkombëtare, avazi i keq vazhdon dhe bëhet më vështirë, më i padurueshëm për qytetaret e Kosovës, të cilët presin momentin që të ikin nga atdheu që s’të jap bukë e nder, aty ku shkelet çdo kontratë sociale, vallë si mund t ‘ia bëhet ndryshe?!.

Ëndrra e keqe vazhdon

Në sytë e ndërkombëtarëve zhvillohet krimi dhe korrupsioni, e pak edhe nga ta edhe sfidohen, fusin hundët në kokainën shqiptare.

Qytetaret e Kosovës tani e kanë të qartë se shteti i shpresë së tyre nuk u krijua, ishte i rrem mundi i komandantëve politik që atdheu të jetë i lirë dhe i drejtë, i barabartë në zhvillim e në demokraci. Shteti u zgjua në ëndrrën e krimit dhe të hajnisë, ëndrra e keqe vazhdon, derisa serioziteti i coftë shfaqet si lugat politik në sytë e qytetarit të Kosovës dhe kaq mjerisht.

(Kosova Sot)