Shefi i Federatës së Futbollit të Argjentinës i kërkon Messit të luajë më pak për Barcelonën - Sport - Kosova Sot
Shefi i Federatës së Futbollit të Argjentinës i kërkon Messit të luajë më pak për Barcelonën

Shefi i Federatës së Futbollit të Argjentinës i kërkon Messit të luajë më pak për Barcelonën

Presidenti i Federatës së Futbollit të Argjentinës, Claudio Tapia, ka thënë se i ka kërkuar Lionel Messit të luajë më pak për Barcelonën në mënyrë që të jetë më i freskët për Kupën e Botës, që do të mbahet këtë verë në Rusi.

Messi është në formë fantastike për Barcelonën këtë sezon, e cila i prin La Ligës shumë më lart se të tjerët në krye të tabelës, por në Argjentinë shpresojnë se magjiku i tyre nuk do të shterohet deri në verë, transmeton Express.

“Shpresoj se të gjithë lojtarët do ta gëzojnë formën e njëjtë [ në Kupë të Botës] sikurse që e kanë tani”, ka thënë Tapia.

Ai thotë se si gjithmonë, Messi është shumë i fortë, ndërkohë që i pëlqen edhe mënyra se si po luan Aguero.

“Sergio Aguero po luan futboll fantastik dhe Lionel Messi është gjithmonë i fortë. Kemi folur me Messin në mënyrë që ai të kujdeset për veten dhe të luajë më pak për Barcelonën”, shtoi ai.


(Kosova Sot)

19 orë e 6 minuta më parë
10/12/18