Lexoni edhe:
Inter – Barça, përballja e dyfishtë që do ta vendosë kualifikimin tutje në Ligën e Kampionëve
Yllit të sportit iranian Ali Daeis i sekuestrohet pasaporta
Irani ka sekuestruar pasaportën e legjendës kombëtare Ali Daeis dhe e ka ndaluar të largohet nga vendi pasi ai shprehu mbështetje për protestat. 53-vjeçari ishte golashënuesi më i mirë ndërkombëtar i të gjitha kohërave me 109 gola derisa superylli i Manchester United dhe kapiteni i Portugalisë, Cristiano Ronaldo, theu rekordin e tij vitin e kaluar. Sulmuesi legjendar, i cili më parë menaxhoi Iranin për një vit (2009), ka mbështetur protestat kombëtare pas vrasjes së Mahsa Amini, ndërsa ishte në paraburgim nga policia muajin e kaluar.
Amini u arrestua nga “policia e moralit”, e akuzuar për mosrespektim të rregullave të rrepta të hixhabit të vendit dhe vdiq tre ditë më vonë ndërsa ishte në paraburgim.
Qeveria teokratike e Iranit argumenton se 22-vjeçarja kishte probleme shëndetësore, por familja e saj dhe mijëra protestues këmbëngulin se ajo u vra.
Daei ka mbajtur anën e protestuesve – si meshkuj ashtu edhe femra – që protestojnë për të drejtat e grave në Iran me një postim në Instagram që tregon një vajzë duke kërcyer pasi ka hequr hixhabin.
(Kosova Sot Online )
