U rrëzua nga kali, zbulohen detaje të reja nga gjendja e portierit të PSG-së

Portieri i dytë i skuadrës së Paris Saint-Germain, Sergio Rico, përjetoi një eksperiencë të hidhur disa ditë më parë teksa u rrëzua nga kali, ku përveç goditjes së marrë pasi përfundoi në tokë, kali gjithashtu e shkeli gardianin në kokë duke e përkeqësuar edhe më tej situatën.

Spanjolli pati probleme të theksuara pasi goditjet në kokë kishin shkaktuar dëme.

Rico u transferua me urgjencë për në spital teksa u desh transporti i helikopterit, me situatën që ndodhi në një qytezë pranë Sevillas.

Së fundmi bëhet e ditur se 29-vjeçari mbetet i shtruar në repartin e terapisë intensive dhe lajmi i mirë është se gjendja e tij është e stabilizuar.

Rico është në kujdesin e mjekëve përgjatë gjithë kohës, ndërsa ende nuk ka një datë fikse për kohën kur gardiani do të lërë ambientet e spitalit.

(Kosova Sot Online)