Ronaldo do të shpërblehet me çmim të veçantë

Cristiano Ronaldo është lojtari më i mirë që ka luajtur ndonjëherë në Ligën e Kampionëve.

Këtë e vërtetojnë edhe statistikat që ai bart në emrin e tij, duke qenë golashënuesi më i mirë i garës më prestigjioze për klube në botë.

E për këtë arritje, UEFA ka vendosur që ta shpërblejë sulmuesin portugez, duke i dhuruar një çmim të veçantë.

Ronaldo do ta pranojë këtë çmim të enjten, ditën kur do të hedhet shorti për Ligën e Kampionëve.

Cristiano Ronaldo ka 140 gola në 183 ndeshje në këtë kompeticion, duke luajtur për Sportingun e Lisbonës, Manchester Unitedin, Real Madridin dhe Juventusin.

Ronaldo po ashtu është pesë herë fitues i këtij kompeticioni. Katër i ka me Real Madridin, një me Manchester United.

(Kosova Sot Online)