Konsumatori është i pambrojtur në Kosovë(Foto/Video)
Të anketuarit shprehen se konsumatori i Kosovës është shumë pak i mbrojtur nga ana e shtetit dhe për pasojë jemi bërë një deponi e mallrave ushqimore me afate të skaduara
Albert Maloku thekson se të bëhet debat për këtë temë 18 vite pas lufte është mëkat dhe duhet thënë se konsumatori nuk ka qenë i mbrojtur nga AUVK-u, Inspektorati Sanitar që lejuan të futen mallra ushqimore me afat të skaduar.
Blerim Krasniqi thotë se vetëm nëse zoti na mbron se nga shteti nuk ka mbrojtje. “Jemi bërë oazë e artikujve ushqimorë jashtë afatit. Afera e mishit është vetëm një nga aferat e ushqimit me afat të skaduar”.
Ismajl Hamiti shprehet se afera e furnizimit të tregut me mish me afat të skaduar tregon se konsumatori nuk është i mbrojtur. “Shteti duhet ta mbrojë më shumë konsumatorin sidomos në artikujt ushqimorë”.
Xhavit Nimani thotë se nga ajo që kemi parë në media, konsumatori nuk është mbrojtur fare dhe është i rrezikuar shumë nga produktet e importuara ushqimore me afat të skaduar së bashku me produktet e mishit