Bitcoin s’ka të ndalur, arrin vlerë rekorde

Kriptovaulta Bitcoin arriti vlerën e mbi 50.000 dollarëve për herë të parë, duke përfituar nga shenjat se valuta më e madhe e këtij lloji ka filluar të pranohet nga investitorët kryesorë.

“Intervenimi i Elon Muskut ka krijuar interesim dhe sa më shumë njerëzit i përshtaten asaj dhe e përdorin si para, aq më të mëdha gjasat që ajo të bëhet pjesë e valutave kryesore”, tha drejtori i investimeve në Aj Bell, Russ Mould.

“Ekziston një rrezik i ndërhyrjes (nga bankat qendrore). Rregullat mund të ndryshohen, por sa më shumë njerëz që fillojnë ta përdorin atë dhe t’i japin më shumë legjitimitet, aq më vështirë është që bankat qendrore ta kthejnë prapa”, shtoi ai.

Vlera e kriptovalutës u rrit për 72.8 për qind vetëm nga 1 janari i këtij viti, kur vlera e saj ishte 28.933 dollarë për një njësi.

Nga fillimi i vitit 2020, vlera e kriptovalutës Bitcoin u rrit për 593 për qind. Në atë kohë, vlera e Bitcoin ishte vetëm 7.208 dollarë, shkruan Anadolu.

Platforma për pagesa në internet, PayPal, njoftoi në tetorin e vitit të kaluar se do t’i lejojë klientët që të përdorin kriptovaluta që të bëjnë blerje nga 26 milionë shitësit që ekzistojnë në rrjetin e saj.

(Kosova Sot Online)