YouTube fshin 30 mijë “video mashtruese” rreth vaksinave kundër COVID-19

YouTube vetëm në pesë muajt e fundit ka hequr më shumë se 30 mijë “video mashtruese” të vaksinimit kundër COVID-19.

Një zëdhënëse e YouTube tha se videot ishin në kundërshtim me informacionin e vaksinave nga Organizata Botërore e Shëndetësisë (OBSH) ose autoritetet shëndetësore të tilla si NHS.

Në tetor, ajo ndaloi dezinformimin rreth vaksinës në një përpjekje për të ndaluar përpjekjet për të diskredituar vaksinat.

Gjithashtu është bërë e ditur se vitin e kaluar, platforma kishte larguar më shumë se 800,000 video për keqinformim rreth coronavirusit.

Kjo shifër përfshin më shumë se sa vetëm vaksinat, por pretendime më të gjera “të pabazuara nga mjekësia” në lidhje me virusin.

Pamjet përfshinin pretendime të rreme se vaksina vret njerëz, shkakton infertilitet ose përmban një mikroçip sekret që do të “mbillet” te marrësit.

Në fazat e hershme të pandemisë, YouTube ishte vendi i shumë teorive të konspiracionit në lidhje me sëmundjen dhe madje pretendimet e rreme të “kurimeve” inekzistente.

Gjithsesi, pavarësisht ndalimit të saj për një përmbajtje të tillë, gjetja dhe fshirja mbetet një luftë për YouTube dhe platformat e tjera sociale.

Madje një kritikë universale ndaj faqeve të mediave sociale gjatë gjithë pandemisë ka qenë shpejtësia e ngadaltë me të cilën ata kanë vepruar mbi dezinformimin e dëmshëm.

(Kosova Sot Online)