Pse njerëzit vishen me të kuqe natën e Vitit të Ri? Origjina dhe simbolika e këtij zakoni…
Viti i Ri po afron dhe si zakonisht, shumë do të veshin diçka të kuqe, veçanërisht të brendshme. A keni menduar ndonjëherë pse njerëzit veshin të kuqe natën e Vitit të Ri? Do të ishte një mënyrë për t’i thënë lamtumirë vitit të vjetër dhe për të pritur të riun me urimet më të mira: me pak fjalë, një lloj simboli fatsjellës.
Sipas traditës, veshjet e kuqe që duhen veshur natën e 31 dhjetorit duhet të jenë të reja dhe duhen veshur vetëm natën e fundit të vitit dhe të nesërmen të hidhen. Cila është origjina dhe simbolika e këtij zakoni?
Ngjyra e kuqe në natën e Vitit të Ri, nga vjen ky zakon
Të veshësh diçka të kuqe në natën e Vitit të Ri është për shumë një rit pajtues: ne e presim vitin e ri me shpresën se do të na sjellë fat, shëndet, siguri. Ngjyra e kuqe do të kishte kuptime pozitive, por nga e ka origjinën gjithë kjo? Tradita e ngjyrës së kuqe në natën e Vitit të Ri lindi në Kinë: në simbolikën orientale e kuqja është ngjyra e fatit, e begatisë dhe e fatit të mirë dhe zakonisht përdoret gjatë festimeve të dasmave si një ogur i mirë për bashkëshortët dhe për jetën e tyre të re së bashku. Prandaj është një dëshirë për pjellori dhe lumturi në dashuri.
E kuqja, simbol i fuqisë, pjellorisë, shëndetit dhe pasurisë në Romën e lashtë
Sipas një linje tjetër mendimi, tradita e ngjyrës së kuqe në Vitin e Ri daton që nga romakët e lashtë, pikërisht në vitin 31 para Krishtit, në kohën e Oktavian Augustit. Gjatë Vitit të Ri Romak burrat dhe gratë mbanin diçka të kuqe si simbol të fuqisë, pjellorisë, shëndetit dhe pasurisë, ajo konsiderohej si ngjyra e pasionit, energjisë dhe fatit. A ka dëshirë më të mirë se kjo për ta nisur vitin e ri në mënyrën më të mirë të mundshme? Këto tradita janë të mirëseardhura veçanërisht nëse shërbejnë për të na dhënë energji për të përballuar ardhjen e vitit të ri. Detaji që nuk duhet nënvlerësuar? Të brendshmet e kuqe mund të ndihmojnë në ndezjen e pasionit duke shprehur në maksimum feminitetin tonë.
Të brendshmet e kuqe për të mirëpritur vitin 2022
Cilat të brendshme të vishni për Vitin e Ri 2022? Artikujt e domosdoshëm të vitit janë ato me dantellë, mundësisht me disa prekje transparence.
(Kosova Sot Online)
